In Abschlau giv`t Theater!

Ümmer an’n twedden Advent is in Abschlau wat loss. Inne Wersehalle küent ji ju  up Platt „komödiante Stückskes un den Enakter „Buer söch Frau“ bekieken. Do bliff kien Auge drüg.

Olt bewährte Schauspielers un auk junge Wichter und Jungs sind all lang an toch, domet am 8. + 9. 12.06 üm 19.30 Uhr un am 10.12.06 üm 15.00 Uhr all’s inne Rieg kümp und akrot küert wett.

Bi de Volksbank, dat Lädken, bi Mersmanns und Geschkems annen Tresen gifft Karten för dat plattdütsche Theater. All, de nich in`t Duorp no Abschlau kuomt, küent bi mi an`t Telefon (02535/1000) Karten bestellen. Ik dei mi freien, wenn wi Lüe ut Wulbieck, Angelmur, Alverskierken un dat Land drümherüm to Besök han.